9 починати и 570 заразени од Ковид-19 во Косово
Во Косово во минатото деноноќие се регистрирани нови девет смртни случаи и 570 заболени од Ковид-19, со што бројката на жртви на пандемијата достигна до 1.976 од вкупно 97.467 лица кај кои е откриен коронавирусот од појавата на првите случаи во март минатата година, јави дописникот на МИА од Приштина.
Последните 24 часа се извршени 4.350 тестови на случаи за кои постоело сомневање дека се заразени од коронавирусот (над 470 илјади од почетокот на панемијата), а како излекувани се евидентирани 727 пациенти.
Вклучително вчерашните официјални податоци на Националниот институт за јавно здравство на Косово, бројот на лица кои ја совладале болеста достигна до 81.561, додека активни носители на вирусот моментно во Косово се 13.930 лица.
Владата на Косово на почетокот на неделава донесе нови, заострени, мерки за спречување на ширењето на епидемијата, кои се во сила од 6 до 18 овој месец.
Меѓу другото, се воведе забрана на движењето на граѓаните во периодот од 22 до пет часот, се затворија училиштата и се забрани работата на угостителските објекти (освен со услугите „тејк авеј“, достава на нарачки и „драјв тру“), како и на трговските центри, вежбалниците и фитнес-центрите.
На јавните и приватните предуниверзитетски институции им се наложи да ја одржуваат наставата онлјан во периодот од 12 до 18 април, додека на универзитетите од 6 до 18 април.
Заострени се и мерките за јавни собири, културни, забавни и спортски настани, семејни прослави и погреби, ограничувања на бројот на патници во јавниот превоз и такси возилата и слично.
Режимот за влез во Косово останува како и досега, односно обврска да приложат негативен РТ-ПЦР тест не постар од 72 часа имаат граѓаните на државите од земјите со висок ризик, но не и оние од Северна Македонија и од другите соседни држави.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево