6 години не се појавил на работа, никој не приметил!

Еден Шпанец вработен како државен службеник е казнет со 27.000 евра зашто е откриено дека не одел на работа најмалку шест години.

 

Одсуството на Хоакин Гарсија од работа е приметено откако добил право да добие награда за долг работен век.

 

Тој шеесет и девет годишен човек, чија работа била да ги надгледува фабриките за пречистување на отпадните води, неодамна се пензионирал.

 

Тој ја демантирал тужбата наведувајќи дека е жртва на малтретирање. Судот пресудил во корист на владата и му наредил да плати казна.

 

Годишната плата на Господинот Гарсија изнесувала 37.000 евра пред пензионирањето, а бил вработен во компанија со која управувала локалната власт во југозападниот град Кадиз.

 

Неговата казна е еквивалентна со еднагодишната заработка по оданочувањето и тоа е најголемиот износ кој компанијата можела легално да го врати.

 

На суд се дознало и дека шефот на компанијата во која Гарсија бил вработен не го видел со години иако канцеларијата спроти неговата.

 

Од компанијата мислеле дека Гарсија е под надзор на локалната власт и обратно.

 

Заменикот градоначалник го приметил неговото отсуство кога требало да биде награден со плакета за 20 години служба.

 

Господинот Гарсија вели дека го малтретирале поради политичкиот ангажман на неговото семејство и поради тоа бил префрлен во фабрика за вода.

 

Луѓето блиски до него изјавиле за шпанскиот весник Ел Мундо дека не сакале да го пријават зошто имал семејство и се плашеле дека на негови години нема да најде друга работа.

 

Изјавиле дека секој ден одел во канцеларија, иако на не полно работно време, и дека бил посветен на читање филозофска литература.