Фудбал
15. May 2017 - 16:27

Зидан: Роналдо е секогаш тука кога се одлучува

 
 
Тренерот на Реал Мадрид, Зинедин Зидан по победата остварена над Севиља вчеравечер со 4:1 го пофали Кристијано Роналдо кој го постигна 401.гол за „кралскиот клуб“.
 
- Тој има нешто што го прави различен од другите. Постигнува голови, ама позначајно е тоа што во одлучувачки моменти секогаш е на вистинското место, изјави Зидан.
 
Роналдо во триумфот над Севиља учествуваше со два гола. Тој има постигнато 37 погодоци оваа сезона во сите натпреварувања.
 
На Реал му се потребни четири бода на преостанатите две средби (Селта и Малага) од Примера за да го освои шампионскиот трофеј.