Втор ден стручна дебата за законот за јавно обвинителство
Во Собранието продолжи стручната дебата за законот за јавното обвинителство, на која и денеска се присутни и ги слушаат забелешките министерката за правда Рената Треневска Дескоска, државниот обвинител Љубомир Јовески, професори, членови на работните групи и пратеници.
За професорот Александар Климовски работниот текст на законот е спротивен на Уставот, како и претходно законот за СЈО. За него носењето на овој закон нема врска со евроинтеграцискиот процес и не е услов за добивање датум. Тоа прашање, според него, ќе биде отворено кога ќе започнат разговорите за поглавјето за правосудство.
Џабир Дерала од НВО Цивил позитивно го оцени текстот и дека дава сериозна поддршка за владеење на правото и дека носењето на овој закон е тест за патриотизам за пратениците.
Според него, ако овој парламентарен состав не го донесе законот ќе остане запаметен само по „27 април“.
Опозицијата, како што кажа, сака уништување на бомбите со законски одредби, но тоа не може да се случи.
– Надвор од оваа зграда расте гневот бидејќи оние што ја зарабоија уште се на слобода, рече Дерала, по што следуваше реакција на дел од пратениците и присутните во салата.
Професорот Александар Даштевски ја поздрави дебатата која е препорака на Венецијанската комисија и чија цел е растење на довербата кај граѓаните. Законот е потребно да се донесе со консензус, а не да се носи со сила.
Тој смета дека со законот му се даваат преголеми надлежности на обвинителот што ќе раководи со обвинителството за организиран криминал и корупција.
Професорот Никола Тупанчевски, меѓу другото, смета дека доколку се сака да се продолжат случаите на СЈО тоа не може да биде како што е сега бидејќи има повреда на стварната надлежност. Тој вели дека не може јавен обвинител во основно јавно обвинителство да ги води овие случаи туку обвинител од јавното обвинителство за организиран криминал и корупција. Тупанчевски зборуваше и изнесе низа предлози, кои според него ќе го подобрат текстот.
Јавната дебата треба да заврши во 18 часот.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање