Времето претпладне ќе биде сончево, а од пладне облачноста ќе се зголемува

Времето  во Македонија претпладне ќе биде сончево и топло, а од пладне облачноста ќе се зголемува. Преку денот ќе дува умерен до засилен северен ветер поизразен вдолж Повардарието.

Утринската температура ќе се движи од минус еден до четири, а дневната од 17 до 24 степени.

Во Скопје претпладне сончево и топло, а од пладне облачноста ќе се зголемува. Преку денот ќе дува умерен до повремено засилен северен ветер. Температурата ќе се движи од два до 20 степени.

За време на викендот ќе преовладува сончево и топло време со мала до умерена облачност и со слаб до умерен југоисточен ветер. Во овој период не се очекуваат негативни утрински температури.