Македонија
18. October 2016 - 14:18

Вонредна временска прогноза: Доаѓа невреме во цела Македонија

Под влијание на влажен воздушен бран од запад, денеска, почнувајќи од вечерните часови, до утре на пладне, ќе има врнежи од дожд, кои во западните и северните делови повремено ќе имаат умерен интензитет, соопшти Управата за хидрометеоролошки работи.

- Пообилни врнежи ќе има во ноќните и во утринските часови, а локално ќе наврнат над 20 литри на метар квадратен. На највисоките планински врвови во северозападните делови ќе има и врнежи од снег, се наведува во вонредната временска прогноза на УХМР.

Утре дневната температура ќе се движи од 10 до 17 степени. 

Во наредните денови ќе преовладува променливо облачно и потопло време со умерен југоисточен ветер, а локални врнежи од дожд повторно се очекуваат во петок и сабота.