Балкан
14. October 2017 - 14:48

Во Турција издаден налог за апсење на 100 поранешни полицајци

 Турските власти денеска издадоа налог за апсење на 100 поранешни полицајци и досега се приведени 63, објавија турските медиуми.

Безбедносните сили трагаат по осомничените во 19 провиниции ширум Турција.

Апсењето е наложено бидејќи постои сомнеж дека поранешните полицајци наводно ја користеле апликацијата „БајЛок“ за испраќање кодирани пораки, за која турската Влада смета дека била користена од движењето на исламскиот проповедник Фетулах Ѓулен, кое Анкара го обвинува за организирање на обидот за пуч.

Од јули минатата година турските власти уапсија повеќе од 50.000 луѓе, кои се соочуваат со судски процеси поради обвинување за поврзаност со Ѓулен, додека 150.000 луѓе се сменети или суспендирани од работните места во војската и во јавниот и приватниот сектор