Во Словенија живее најстарата крава во Европа
Во селото Војник крај словечекиот град Целје живее најстарата крава во Европа, родена уште во времето на поранешна Југославија.
- Нашата крава Луца е стара 35 години и досега се отели со 27 телиња, изјави за мариборскиот весник „Вечер“, 90-годишната Јустина Језерник.
Кравата дошла на свет во нивната штала и била многу мирна и мила, па сопственичката Јустина никогаш не сакала да ја продаде или да ја даде во кланица, што е вообичаена пракса за кравите кои повеќе не се стелни и не дават млеко.
- Јас ја молзев до пред неколку месеци, кога даваше три до пет литри, раскажува Јустина.
Својата миленичка таа не планира да ја продаде „за говедска супа“, туку ќе ја пушти да угине по природен пат во штала каде што се родила.
Луца последен пат се отелила пред две и пол години.
Брачната двојка Језерник сметаат дека нивната крава е најстара во Европа, но годините официјално не можат да ги докажат, затоа што водењето службени книги за состојбата во шталите во Словенија стана задолжително дури во 1996 година, кога Луца првпат добила свој регистерски број.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп