Во Гази Баба по деветти пат се одржа „Пивтијада“

Манифестацијата „Пивтијада“ по повод верскиот празник Водици, традиционално по деветти пат се одржа на плоштадот во Автокоманд, во организација на Општина Гази Баба, заедно со организацијата на жени на Гази Баба и Здружението на пензионери.

Како што соопшти општина Гази Баба, манифестацијата има хуманитарен карактер и средствата собрани од продажба на пивтиите ќе бидат наменети за потребите на Центарот за згрижување на деца од улица.

Градоначалникот Тони Трајковски додели награди за најубаво декорирани пивтии, а за доброто расположение на присутните се погрижија Антониа Гиговска, Даниела Темелковска, Лајв Бенд, Мето Богданов и Јане Дунимаглоски.