Во Дубаи ќе се гради нова највисока зграда на светот
Во Дубаи наскоро треба да почне изградба на зграда која ќе биде повисока од Бурџ Калифа, моментно највисоката зграда на светот, соопшти денеска градежната компанија „Емар“.
- Изградбата ќе чини околу една милијарда долари, а зградата ќе биде „малку повисока“ од Бурџ Калифа, најави претседателот на управниот одбор на „Емар“, Мохамед Алабар, претставувајќи ги деталите на проектот.
Тој истакна дека висината на зградата ќе биде објавена по завршување на изградбата, додавајќи дека планирано е тоа да се случи пред 2020 година, кога Дубаи ќе биде домаќин на светската изложба „Ворлд Експо“.
Зградата, која е дизајнирана од шпанско-швајцарскиот архитект Сантијаго Калатрава Валс, ќе има повеќе видиковци, како и 18 до 20 спратови на кои ќе се наоѓаат, меѓу другото, ресторани и хотели. Зградата ќе биде тесна и „прицврстена“ за земјата со помош на силни кабли.
Саудиската компанија „Кингдом Холдинг“ истовремено планира во Џеда да изгради зграда која ќе ја надмине Бурџ Калифа и ќе биде висока повеќе од еден километар.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка