Македонија
6. November 2019 - 9:23

ВМРО-ДПМНЕ: Владата на СДСМ ја стопираше изградбата на автопатот Кичево-Охрид за да склучи нови анекси

Три години Заев и СДСМ на власт, три години измами, криминал и пропаѓање. Лагите на Заев и СДСМ со секој изминат ден стануваат се поочигледни.
 
Благој Бочварски по три години призна дека Зоран Заев и СДСМ лажеле дека е промашена трасата на автопатот Кичево – Охрид.
 
Зоран Заев преку ширење на лажни вести три години ја манипулираше јавноста дека наводно била промашена трасата на автопатот Кичево – Охрид.
 
Три години владата на СДСМ ја стопираше изградбата автопатот Кичево – Охрид, за да можат да склучат нови анекси на договорот тешки 180 милиони евра. Изградбата на овој автопат тапка во место. Како што беше оставен во време на владата предводена од ВМРО-ДПМНЕ, така е сега.
 
Зоран Заев и СДСМ три години ја лажат и ја манипулираат јавноста. Три години си играат со животите на граѓаните на Република Македонија.
 
Зоран Заев со неговите лаги ги доведе граѓаните до питачки стап, а младите ги исели надвор од државата.
 
Време е да се стави крај на лагите на Зоран Заев и неговата влада. Време е да започне обнова на Македонија. Таа обнова ќе започне кога ВМРО-ДПМНЕ ќе победи на 12-ти април, на предвремените парламентарни избори.
 
Се ближи крајот на Зоран Заев и неговата криминална влада.
 
Центар за комуникации на ВМРО-ДПМНE