Владата во Лондон демантира дека ја разгледувала можноста за безвизен режим за 1,5 милиони Турци
Британските министри за внатрешни и за надворешни работи, Тереза Меј и Филип Хамонд ги демантираа тврдењата на неделникот „Сандеј тајмс“ дека британските власти тајно ја разгледувале можноста за безвизен режим за 1,5 милиони Турци, кои сакаат да патуваат во Обединетото Кралство.
Неделникот се повикува на пет документи на Форин офисот, до кој имала пристап редакцијата. Во дипломатската преписка се предлага ЕУ да ги држи во тајност сите спогодби, поврзани со укинувањето на визниот режим за Турција, додека не помине референдумот за членството на Велика Британија во Унијата.
Дипломатите во споменатите документи и соопштуваат на Владата дека предложениот договор на ЕУ со Турција за безвизен режим во Шенген зоната може да доведе до тоа Велика Британија да ја разгледа таа привилегија за сопствениците на специјални пасоши од Турција, членови на турската Влада, државни службеници, професори и нивните семејства. Станува збор за 1,5 милиони турски државјани, кои до воведувањето на измените во британското законодавство во 2009 година имале право да влегуваат во Обединетото кралство без визи.
Според заменик-амбасадорот на Велика Британија во Анкара, Џенет Даглас обновувањето на правото на сопствениците на специјални пасоши за безвизно патување во Велика Британија ќе биде ризик, но истовремено и важен симболичен гест кон Турција.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање