Велика Британија е подготвена да одговори на руските кибер напади
Британскиот министер за надворешни работи Борис Џонсон денеска ќе ја предупреди Русија да престане со кибер нападите кои се закана за британската државна безбедност, „за да не се соочи со сличен одговор од Велика Британија“.
Џонсон е првиот британски министер за надворешни работи кој оди во посета на Русија во последните пет години.
Тој планира на руските функционери да им пренесе дека Велика Британија нема никакви лоши намери на интернет, но оти има технички можности да се бори против кибер шпионажа, јави Би-Би-СИ.
Неговата посета доаѓа по обвинувањата од минатиот месец кои ги изнесе премиерката Тереза Меј дека Русија се обидува „да ги поткопа слободните општества“. Меј во ноември предупреди на ризиците од руската „континуирана кампања на кибер шпионажа и пречки“.
Нејзините критики ги повтори Киран Мартин, извршниот директор на Државниот центар за кибер безбедност, кој рече дека Русија „се обидува да го поткопа меѓународниот систем“.
На денешниот состанок во Москва, Џонсон на рускиот министер за надворешни работи Сергеј Лавров планира да му порача дека Велика Британија не го прифаќа руското „непријателско“ однесување.
Пред првата посета, Џонсон изјави дека односите меѓу Велика Британија и Русија „долго време не биле толку лоши“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово