Фудбал
20. December 2015 - 19:18

Ватфорд го победи Ливерпул

 
 
 Екипата на Ливерпул го претрпе петти пораз во Премиер лигата, откако загуби на гостувањето кај Ватфорд со убедливи 3:0.
 
На средбата од 17.коло во фудбалското првенство на Англија, Ватфорд до осмата победа стигна со головите на, Неитан Аке (3-минута) и двата погодока на Нигериецот, Одион Игало (15 и 85). Со новите три бодови, ватфорд сега се проби на седмото место на табелата со само еден бод помалку од Кристал палас, манчестер Јунајтед и Тотенхем, кој се рангирани од четвртата до шестата позиција.
 
На вториот меч одгран попладнево меѓу Свонси и Вест Хем немаше постигнат гол (0:0).
 
На натпреварите одиграни вчера, беа постигнати овие резултати: Челзи - Сандерленд 3:1, Евертон - Лестер 2:3, Манчестер Јунајтед - Норвич 1:2, Саутемптон - Тотенхем 0:2, Стоук Сити - Кристал Палас 1:2, В.Б.А. – Бурнемут 1:2 и Њукасл - Астон Вила 1:1. 
 
17-тото коло ќе биде заокружено утревечер со дербито во Лондон, меѓу второ и трето пласираните екипи, Арсенал и Манчестер Сити. 
 
Табела: Лестер  38 бодови, Арсенал 33, Манчестер Сити 32, Тотенхем 29, Манчестер Јунајтед 29, Кристал Палас 29, Ватфорд 28...