Валс: На Бензема не му е место во националниот тим!!!

Премиерот на Франција, Мануел Валс, смета дека Карим Бензема треба да биде исфрлен од репрезентацијата, доколку се декаже дека сакал да изнуди пари од Матије Валбуена.

 

Напаѓачот на Реал Мадрид, на почетокот на минатиот месец, беше на распит во полиција, под сомнение дека со видео снимка на сексуален чин се обидел да изнуди на пари од  репрезентативниот колега Валбуена.

 

„Доколку му се суди на накој од моите министри, тој мора да ја напушти владата. Мора да преземе одговорност и истиот принцип би требало да важи и во репрезентацијата“, изјавил францускиот премиер за радиото Europe 1.

 

Доколку Бензема биде прогласен за виновен, му се заканува затворска казна. Според француските закони, максималната казна за вакво дело изнесува пет години.

 

Исто така, една од казните е и забрана за доближување, што автоматски значи дека Валбуена и Бензема не би можеле заедно да играат во репрезентацијата.

 

Селекторот на Франција, Дидие Дешан, оваа непријатна ситуација минатиот месец, кога Франција играше контролни наторевари со Германија и Англија, ја реши така што двајцата ги изостави од националниот тим.