Туск: Не го тресете нестабилниот европски брод
Претседателот на Европскиот совет Доналд Туск денеска во Варшава апелираше до полските власти да бидат повоздржани во барањата за промени на основниот договор на ЕУ.
- Полска треба да почне да размислува за Европа како за нешто што вреди да се негува, а не да се напаѓа. Полска имаше полза од Европа, ваква каква што е, со сите нејзини недостатоци, изјави Туск по средбата со полскиот премиер Беата Шидло.
Туск, кој е поранешен полски премиер, изјави дека очекува на самитот за иднината на ЕУ во Братислава, да има „тензии и емоции“, нагласувајќи дека за Полска е значајно да не се придружи кон оние кои се „подготвени да го затресат европскиот брод, кои и онака е ослабен со Брегзитот и мигантската криза“.
- Немојте да го тресете нестабилниот европски брод, порача Туск.
Тој нагалси дека на Самитот во Братислава ќе бидат утврдени патоказите по кои ќе се менува ЕУ по истапувањето на Велика Британија.
- Процесот на дефинирање на одлуките би требало да заврши следната година на Самитот во Рим, додаде Туск.
Туск истакна дека и словачкиот премиер и актуелен претседавач со Унијата, Роберт Фицо ја прифаќа идејата Самитот во Братислава да претставува можност за „поставување на дијагноза на ЕУ, насочување кон она што ја поврзува Европа без понатамошно продлабочување на разликите и за започнување на процес на промени“.
Самитот на ЕУ во Братислава е закажан за в петок.
Ново на Сител
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени
-
Санкционирани 179 возачи во Скопје