Турските здравствени власти планираат да вакцинираат над еден милион луѓе дневно
Турското Министерство за здравство е подготвено да администрира повеќе од еден милион дози вакцини против Ковид-19 дневно, јави Си-Ен-Ен-Турк.
Вакцините можат да се даваат во 1.500 јавни и приватни болници, како и во многу мали клиники. Досега, повеќе од 28 милиони луѓе се вакцинирани во Турција. Кампањата за вакцинација почна во јануари. Во земјата се вакцинира со Синовак и Фајзер/Бионтек. Наскоро се очекуваат и испораки на руската вакцина Спутник В.
Вкупниот број на вакцинирани во земјата се очекува да достигне 50 милиони во јуни, а кампањата ќе продолжи во јули и август.
Според Си-Ен-Ен-Турк, 85 проценти од Турците постари од 65 години веќе биле имунизирани. Во исто време, интересот на младите за вакцинација е многу помал, но здравствените власти планираат да формираат специјални тимови за да ги убедат младите во придобивките од вакцините против Ковид-19.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот