Турција е на второ место по продажба на телевизиски серии, веднаш по САД
Турските телевизиски серии се гледаат во речиси 100 држави во светот, а Турција се наоѓа на второ место, веднаш по САД, по продажба на серијали со заработувачка од 350 милиони долари, пишува весникот „Хуриет дејли њуз“.
Истражувањето покажува дека Турците минуваат просечно по четири часа дневно пред телевизските екрани, а најгледани се турските теленовели.
Турските серијали во последните години станаа многу популарни во јужноамериканските земји. Турција почна да пласира продукција дури и во држави кои се познати по теленовели, како што се Бразил и Мексико.
Гледачите од Блискиот исток најмногу ги следат турските серијали во кои се опишува современиот живот на богаташите, во Јужна Америка најгледани се сериите во кои дејството се одвива во подалечното минато, а европските земји се заинтересирани за тематските серии.
Турската продукција сега има цел да се пробие и на пазарите како Кина, Јапонија и Индија.
Според друго истражување, најгледана турска серија во светот е „Сулејман Величенствениот“, на второ место е „Пепел од рози“, а на трето се наоѓа „Илјада и една ноќ“.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари