Три медицински сестри од штипската Клиничка болница ставени во изолација
Три медицински сестри од одделенијата за анестезиологија, хирургија и хирушки сали од штипската Клиничка болница од денеска се во изолација. Директорот на Клиничка болница-Штип, Ален Ѓеорѓијев за МИА вели дека изолирањето на трите медицински сестри доаѓа по направената епидемиолошката анкета на лекарот и болничарката, кои работеле на Инфективното одделение.
-Трите медицински сестри имале контакти со заразениот лекар од Неврохирургија, кој беше анагажиран во системот за ротации за работа на Инфективното одделение. Од вчера во изолација е и неговиот колега од ова одделение, вели Ѓеорѓијев.
Останува и понатаму проблемот со недостиг на инфектолози. Во моментов на одделението, кое е од регионален карактер, работат само двајца инфектолози, а третиот е на боледување. Но, како што вели Ѓеорѓијев, проблемите ги надминуваат со ангажирање на лекарите специјалисти од другите одделенија, кои им помагаат на инфектолизите.
Во врска со состојбата со коронавирусот во Затворот во Штип, таму деветтмината изолирани осуденици до денеска немаат појавено симптоми, нивната состојба во моментов ја следи медицинскиот техничар, а лекарот го чека резултатот од тестирањето, кој бил во контакт со заразениот осуденик. Доколку тестот на лекарот се покаже позитивен, во тој случај директорот на Затворот во Штип, Мики Тодоров вели дека од страна на ЈЗУ Здравствен дом „Панче Караѓозов“-Штип треба да се анагажира друг лекар, кој ќе се грижи за здравјето на осудените лица. Направена е и реорганизација во самиот затвор, по вчерашниот прв позитивен случај на коронавирус, кај осуденик.
Ново на Сител
-
Отворен Балкан: Заедничко управување и зајакнување на односите на младите и институциите од регионот
-
Хаосот со скутерџиите во Охридското езеро продолжува и оваа сезона
-
Штипските ЈП ќе се подноват со нова механизација
-
Реал го освои трофејот во Супер купот на УЕФА
-
Тема на денот со министерот за образование и наука Јетон Шаќири
-
Нови случаи на африканска чума се регистрирани на истокот на земјата
-
Сомнителен случај на мајмунски сипаници во Македонија
-
Ревизија: Ковид помошта делена без јасна стратегија, нема поврат на позајмените средства