Трамп: САД и Северна Кореја заемно се почитуваат
Американскиот претседател Доналд Трамп оцени дека САД и Северна Кореја имаат заемно „големо почитување“, и покрај застојот во преговорите за нуклеарната програма.
– Многу добри работи ќе се случат во Северна Кореја… минавме долг пат, изјави Трамп на почетокот на разговорот со јапонскиот премиер Шинѕо Абе. Трамп појасни дека е изградена „добра почит… дури и голема почит меѓу САД и Северна Кореја“.
Трамп се наоѓа во посета на Токио како дел од дипломатската офанзива на Абе против протекционистичките мерки кои САД ги воведува кон други земји. Американскиот претседател е незадоволен од големиот јапонски трговски суфицит и разгледува воведување повисоки царини на јапонскиот извоз на автомобили доколку не биде постигнат билатерален трговски договор.
Инаку, Трамп и првата дама Меланија денеска беа свечено примени во Царската палата во Токио, каде ги пречекаа новиот јапонски цар Нарухито и царицата Масако. Трамп е првиот светски лидер кој се среќава со царот, кој на престолот се наоѓа од 1 мај.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација