Трамп го повика Путин да се согласи на договор со Украина

Американскиот претседател Доналд Трамп го повика рускиот претседател Владимир Путин да се согласи на договор со Украина. Трамп рече и дека Путин ја уништува Русија со неподготвеноста да постигне договор.
Путин претходно му честиташе на Трамп за неговата инаугурација и рече дека Москва сака „траен мир“ со Киев.
Доналд Трамп рече дека ќе се сретне со Путин, но дека се уште не е одреден датум за средбата. Тој исто така вети дека ќе стави крај на војната меѓу Русија и Украина што е можно побрзо.
Додека потпишуваше извршни наредби во Овалната соба на Белата куќа, Трамп рече дека ќе разговара со Путин, кој „би бил многу среќен кога оваа војна би завршила“.
Во исто време, американскиот претседател изрази мислење дека може да дојде до катастрофа за Русија доколку одбие да преговара и не се договори за прекин на огнот или мир со украинскиот претседател Володимир Зеленски.
„Русија се соочува со големи проблеми. Погледнете ја економијата, инфлацијата“, им рече тој на новинарите во Овалната соба.
„Многу добро се согласувам со него (Путин) и се надевам дека ќе се согласи на договор“, рече Трамп.
Американскиот претседател исто така рече дека украинскиот претседател Зеленски сака договор.
Ново на Сител
-

Над 30 члена брои листата поканети говорници на надзорната комисија за Алта банка
-

Изгласан вториот ребаланс на буџетот
-

Трамп ја номинира адвокатката Кристи Меккормик за нова амбасадорка во Македонија
-

Нацрт-верзиите на Кривичниот Законик и Законот за кривична постапка отпатуваа за Брисел
-

До февруари „Сејф Сити“ низ цела држава – Годишно се очекуваат 10 милиони евра од казни во буџетот
-

Обвинителот Игорчо Крстов бара Ива Михаилова јавно да се извини за клеветењата
-

Во некои одделенија и по 10 ученици немаат втора доза на МРП вакцина
-

Преглед на вестите од светот
