Бизнис
12. јуни 2019 - 18:30

Тевдовски задоволен од прогресивниот данок

Министерот Тевдовски задоволен од ефектите на зголемениот данок. Вели приходите од персоналецот за 5 месеци забележале раст од 17,4%. Сите тврдења дека ќе се намали вработеноста, ќе се зголеми даночната евазија, ќе се намалат платите, според него се покажале неточни.

„Економските резултати се исклучително добри од почетокот на годината, а како што предвидовме со средствата од праведното оданочување се поддржува социјалната реформа, односно обезбедување фер општество и праведен раст за сите. Од неделата започна исплатата на зголемената социјална помош согласно правата предвидени со новата социјална реформа. Над 25.000 домаќинства добија гарантиран минимален приход, што за поголемиот дел од нив значи надоместок зголемен за 100 отсто, истакна министерот за финансии Драган Тевдовски.

Министерот Тевдовски нема бројки колку од нововработените во првиот квртал имаат високи примања кои би се даночеле со повисока стапка. Глвано, според него е дека ефектот од новиот данок е позитивен.

Од нова година стапи на сила новиот персоналец кој за лицата со примања над 90.000 денари месечно изнесува 18%.