Македонија
22. February 2018 - 19:14

Тешка сообраќајка на скопска обиколница: Едно лице загина, друго пренесено во болница

Едно лице го загуби животот, а друго е повредено во сообраќајна несреќа која попладнево околу 17:20 часот се случи на скопската обиколница, пред клучката Радишани.

Од МВР информираат дека во несреќата учествувале „Рено Меган“ со скопски регистерски таблици, управувано од В. Ѓ. (54) од Скопје и патничко моторно возило „Југо“ со скопски регистерски таблици.

Возачот на возилото „Југо“ починал на лице место, смртта е констатирана од екипа на Итна медицинска помош, додека В.Ѓ. е пренесен во Клинички центар Мајка Тереза.

Полициски извршиле увид на местото на несреќата.