Таравари пред состанокот за влез во влада: Се уште немаме понуда

Алијанса на Албанците го почна состанокот на претседателство на кој ќе се носи конечната одлука за тоа дали партијата ќе влезе во владата на Ковачевски и ќе го засили мнозинството со дополнителни 8 пратеници.

Неофицијалните информации се дека мнозинството членови на партијата се за влез во владината коалиција. Сепак, лидерот Таравари пред спстанокот не сакаше да ја прејудицира одлуката.

- Да видиме како ќе одлучи претседателството. Мојот личен став ќе го соопштам од кога ќе ги чујам сите размислувања - рече Таравари.

Сепак тој потврди дека вечерва ќе сд формира преговарачки тим, иако конкретна понуда од Ковачевски нема.

- Нема понуда. Да, ќе формирсме преговарачки тим - рече тој.

Таравари пред два дена токму од Сител го испорача условот до Ковачевски дека би влегов во владата ако има гаранција за 80 пратеници за потребните уставни измени, во спротивно рече дека партијата нема да влегува во коалиција за да спасува друга партија.

Катерина Нешкова