Тајани: Иран не смее да поседува нуклеарно оружје
Италијанскиот министер за надворешни работи Антонио Тајани денеска изјави дека меѓународната заедница не смее да има дилеми во однос на иранската нуклеарна програма, нагласувајќи дека Иран не смее да се стекне со нуклеарно оружје, пренесе агенцијата АНСА.
– Кога се соочуваме со нуклеарна закана, не може да има простор за двосмисленост. Иран не смее да добие атомска бомба, рече Тајани за време на сослушување пред заедничките одбори за надворешни работи на италијанските Долен и Горен Дом. Тој додаде дека оваа порака му ја пренел на израелскиот претседател Ицак Херцог, повторувајќи го правото на Израел да го гарантира својот опстанок со заштита од потенцијален нуклеарен напад.
Тајани откри дека израелскиот министер за надворешни работи Израел Кац му соопштил дека одлуката за започнување на воената операција била базирана на разузнавачки податоци што укажуваат на „сериозна и непосредна егзистенцијална закана“, не само за Израел, туку и за целиот регион и меѓународната заедница.
– Според израелските проценки, Иран би можел да поседува десет нуклеарни боеви глави и над 2.000 ракети подготвени за лансирање за помалку од шест месеци, изјави Тајани.
Тој ја опиша ситуацијата како „апсолутно алармантна“, повикувајќи се на најновиот извештај на Меѓународната агенција за атомска енергија (МААЕ), кој констатира дека Иран ги крши обврските за збогатување на ураниум.
Ново на Сител
-
Пукање на семејна веселба во населбата Аеродром
-
На Табановце и Богородица за влез и излез од државава се чека околу 30 минути
-
Нетанјаху закрепнува по труењето со храна, соопшти неговиот кабинет
-
Во иранскиот град Омдије измерени 49,6 степени, на Антарктикот- минус 74,2 степени
-
Најмалку 73 лица се убиени во Газа додека чекале да добијат храна, соопшти палестинското Министерство за здравство
-
Запленета поголема количина цигари без бандероли и дробен тутун во Тетово, приведено едно лице
-
Акциска контрола во винички угостителски објекти, приведено едно лице, затекнати и малолетници
-
Прифатено и второто обвиниение за Васев