Тачи му се заблагодари на Трамп, очекува брзо завршување на дијалогот со Србија
Косовскиот претседател Хашим Тачи му се заблагодари на претседателот на Соединетите Американски Држави, Доналд Трамп за, како што вели, поддршката што ја дава на дијалогот меѓу Косово и Србија, јави дописникот на МИА од Приштина.
Коментирајќи ја пораката на Националниот совет за безбедност (НСЦ) на САД, кој на својата страница на Твитер напиша дека „односите меѓу Србија и Косово се од големо значење“ за администрацијата на Трамп, Тачи изрази очекување дека ангажирањето на челникот на НСЦ Робет О‘Брајан и амбасадорот Ричард Гренел ќе придонесе за конечен договор меѓу Приштина и Белград.
– Уште еднаш благодарност до Доналд Трамп за поддршката на дијалогот меѓу Косово и Србија. Директното залагање на САД преку Роберт Ц. О‘Брајан и Ричард Гренел донесе една нова динамика на процесот и со нетрпение очекуваме негово завршување со скорешно меѓусебно признавање, напиша Тачи.
НСЦ синоќа на својот Твитер објави фотографија од средбата во Белата куќа на Тачи и претседателот на Србија Александар Вучиќ, заедно со О‘Брајан и Гренел, проследена со пораката за големото значење што за Вашингтон го има постигнувањето на договор меѓу Приштина и Белград.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар