Балкан
8. January 2016 - 15:34

Судири меѓу демонстранти и полицијата во Атина

Припадници на грчката попиција денеска се судирја со група демонстранти кои протестираа пред Парламентот во Атина против реформите во социјалната сфера во Грција. 

Организаторите на протестите, на кои учествуваа околу 2.000 лица, сметаат дека реформите што ги предлага Владата ќе доведат до распад на системот за социјално осигурување во земјата. 

Тие повикаа и за усвојување мерки за намалување на невработеноста и за зајакнување на борбата против работењето на црно и неплаќањето на социјалното осигурување на вработените.

Според статистичките податоци, во октомври минатата година стапката на невработеност во Грција изнесувала 24,5 отсто.