Балкан
13. February 2018 - 17:57

Странците во Турција ќе плаќаат казни на граничните премини

Странците казнети за непочитување на сообраќајните правила во Турција, ќе плаќаат административни казни на граничните премини при излез од земјата.

Новата одлука е објавена во турскиот Службен весник, а Дирекцијата за контрола на сообраќајот информира дека таа веќе се применува. 

Според Дирекцијата, одлуката е во согласност со меѓународните стандарди за таа област.

Примената на оваа мерка се очекува да придонесе за поефикасно казнување на прекршителите на правилата за движење и ќе послужи како превентивна мерка против сообраќајните прекршоци во Турција.