Стефковски: Обезбедивме ново возило за детската градинка во Ченто

Градоначалникот на Гази Баба, Бобан Стефковски информираше дека е обезбедено ново возило за доставување на храна за градинката во населбата Методија Андонов Ченто.

„Детската градинка 25 Мај во Ченто доби ново возило за доставување на храна.

Денес бев во посета на ЈУДГ 25 Мај каде што пристигна новото возило наменето за доставување на храна од централната кујна до клоновите на градинката.

Возилото е марка "Caddy 5 Cargo" и е со вредност од 1.320.000 денари, средства обезбедени до буџетот на општина Гази Баба.

Со набавката на ова возило продолжуваат инвестициите во детските градинки.

Во следниот период ќе продолжат инвестициите и во обезбедување и адаптација на нови просторни капацитети за згрижување на деца“. - напиша Стефковски.