Стефановски го собори македонскиот рекорд во скок со стап, стар 57 години

Стефановски успеа да собори еден од најстарите национални рекорди што беше поставен во 1968 година.

Височината од 4.05 метри Стефановски ја прескокна на Европското првенство во третата дивизија, во Марибор. на кое македонските атлетичари имаа успешен настап и го освоија осмото место, што досега е највисок пласман.

Андреас Трајковски победи во скок во далечина со резултат од 7.83 метри, додека Дарио Ивановски триумфираше на 5000 метри со 14:04.06.

Миљана Ристиќ постави нов национален рекорд на 3000 метри стиплчес, со време од 11:49.49, Брајан Авиа освои бронза во скок во височина со личен рекорд од 2.06 метри, додека штафетата 4×100 метри во состав Трајковски, Алексовски, Петров, Стојоски постави нов национален рекорд (40.89 секунди).