Средба на Шекеринска со норвешкиот амбасадор Бјорнстад
Заменик претседателката на СДСМ, Радмила Шекеринска денеска се сретна со амбасадорот на Кралството Норвешка во Македонија, Арни Бјорнстад.
На средбата, како што соопшти СДСМ, се разговарало за актуелната политичка ситуација во Македонија по одлуката на претседателот Ѓорѓе Иванов да не го даде мандатот за формирање на новата влада според мнозинската волја на граѓаните.
- Уставната криза што ја предизвика Ѓорге Иванов со одлуката да не го даде мандатот на парламентарното мнозинство обезбедено со потписи од 67 пратеници избрани од граѓаните е штетно и опасно сценарио што ја продлабочува политичката криза во Македонија, вели Шекеринска.
Според неа, неопходно е Иванов што побрзо да ја смени одлуката и да го даде мандатот за формирање на новата влада во Македонија, што е интерес и на граѓаните и на државата.
Шекеринска додава дека Уставот предвидува јасни решенија за излез од политичката ситуација. - Заеднички е констатирано дека Уставот и законите на државата мора да бидат почитувани и спроведени од сите институции на системот и дека единствениот пат за евро-атлантски развој на Македонија е да продолжат демократските процеси, истакнува Шекеринска.
Ново на Сител
-
САД ставија вето на барањето на Палестинците за полноправно членство во Обединетите нации
-
Сообраќајот на државните патишта се одвива непречено
-
Променливо облачно со повремен дожд и посвежо, до 18 степени
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027