Средба Димитров - Бејли
Министерот за надворешни работи на Република Македонија Никола Димитров и амбасадорот на Соединетите Американски Држави Џес Бејли на денешната средба разговарале за начините за натамошно унапредување на билатералните односи помеѓу двете земји, нагласувајќи ја заедничката заложба за продлабочување на соработката во сите домени од заемен интерес.
Како што соопшти МНР, министерот Димитров нагласил дека новата Влада на Република Македонија е бескомпромисно ориентирана кон реализирање на неопходните реформски процеси во општеството и создавање предуслови за одговорно владеење и независни институции коишто, пред се, би работеле во функција на потребите на сите граѓани на нашата држава.
Димитров подвлекол дека јакнењето на институциите, владеење на правото, промоција на култура на дијалог и компромис ќе бидат најдобри аргументи за забрзана Евро-атлантска интеграција на земјата. Во тој контекст, посебно биле акцентирани силната посветеност и заложбите на новата Влада за што поскоро остварување на полноправно членство на Република Македонија во НАТО, односно за забрзување на процесот на Евро-атлантската интеграција на нашата држава.
Шефот на македонската дипломатија укажал дека што побрзо зачленување на Република Македонија во Алијансата, ќе има и исклучително значење и за безбедноста и просперитетот на Регионот во целина.
На средбата, соговорниците размениле мислења и за актуелните состојби во регионот и тековните глобални предизвици.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово