Македонија
15. October 2017 - 21:25

Србов: ВМРО-ДПМНЕ убедливо води во повеќе општини

ВМРО-ДПМНЕ води во повеќе општини, изјави Никола Србов на прес-конференција во штабот на партијата, без да прецизира во кои општини победил нивниот кандидат. Тој рече дека ќе ги соопштат резултатите откако ќе бидат сумирани.

Според него, јавноста денеска била сведок какви избори организира СДСМ. Рече дека полициски џипови со членови од СДСМ кружеле низ повеќе градови и во текот на денот имало повеќе инциденти. 

„Треба да бидеме среќни што немаше жртви и повредени иако имаше инциденти. За сите овие инциденти се составени записници и истите ќе бидат испратени до сите меѓународни претставници“, рече Србов.