Спречен терористички напад на стадионот на ПСЖ
Француската полиција денеска соопшти дека во текот на викендот спречила терористички напад, откако во близина на стадионот „Паркот на принцовите“ во саботата рано изутрина, пронашле експлозивна направа, само неколку часа пред почетокот на натпреварот меѓу ПСЖ и Бордо.
Импровизираната експлозивна направа била составена од четири плински боци, натопени со бензин.
- Направата беше натопена со бензин и употреблива, соопшти полициски извор.
Направата ја пронашол станар на зграда во близина на стадионот и веднаш повикал полиција.
Во врска со овој случај приведени се пет лица, вклучувајќи и една личност која се поврзува со радикалните исламистички движења. Еден од осомничените од претходно и бил познат на полицијата и бил под надзор.
Францускиот министер за внатрешни работи Жерар Коломб изјави дека полицијата од почетокот на годината спречила 12 терористички напади ширум земјата.
Не е првпат некој стадион во Франција да е цел на терористите. Во февруари минатата година, кога Франција играше против Германија на Стад де Франс беше извршен бомбашки напад, при што загинаа три лица. Полицијата потврди и два самоубиствени напади пред стадионот Сен Денис.
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот