Спиропали: Мета е во служба на Баша и Круемади
На изјавата на претседателот Илир Мета дека е избран од легитимен Парламент, дека тој и припаѓа на Републиката, а таа на албанските граѓани, реагираше министерката за односи со Парламентот и владин портпарол, Елиса Спиропали.
Таа на Твитер напиша дека Мета го изгубил правото да остане на претседателската функција, бидејќи им служи на лидерите на опозициските партии, Љуљзим Баша на Демократската и Моника Круемади на Социјалистичкото движење за интеграција, а не на Републиката.
– Господине Мета, се согласуваме со вас „Албанија е Република. Претседателот и припаѓа на Републиката, а Република им припаѓа на граѓаните“. Вие го изгубивте правото да останете во канцеларијата на претседателот бидејќи тој и припаѓа на Републиката, а не на Љуљзим и Моника, напиша министерката.
И премиерот Еди Рама обвини дека Мета делува во договор со опозицијата.
На средба со жители на Тирана, во рамки на изборната кампања,Рама истакна дека одлуката за одложување на локалните избори е голема грешка на Мета, дека тоа не е заблуда или моментно лудило на претседателот туку дека одлуката е донесена според добро смислен план со опозицијата, бидејќи „тие се плашат од правосудната реформа“.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ