Спасено бебе кое било избодено и живо закопано
Жена која пасела говеда во Тајланд наишла на мал свеж гроб од кој се слушало плачење на бебе. Таа ја откопала земјата и од таму извадила неколкудневно бебе кое со помош на соседите го однела во најблиската болница. По интервенција на лекарите бебето преживеало. Лекарите денеска за локалната телевизија изјавија дека спасеното бебе е „вон опасност по животот’’.
Констатирани се 14 убоди по телото на бебето, посебно во градите и стомакот. Полицијата во тајландската провинција Кох Каен трага по нехуманите родители и мотивот на нивниот обид за грозното чедоморство.
Иако Тајланд има неславна репутација дека е гнездо на сексуалната индустрија, населението, особено селското, во однос на сексуалните слободи е конзервативно. Сексуалното воспитување не е застапено во училиштата, освен во еден дел каде што лекциите се сведуваат на тоа девојките да чекаат на првиот однос до созревањето.
Наспроти ова, Тајланд има највисок процент на забременети тинејџерки во регионот. Дозволата за абортус е строго рестриктивна, па така се чести илегалните. Во 2011 година, на 40 месеци затвор била осудена жена која помагала да се извршат над 2.000 абортуси во простории на еден будистички храм во близината на Бангкок.
Ново на Сител
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште
-
Битолчанка пронашла граната додека копала нива
-
До вторник сончево и топло до 29 степени