СП Русија: Хрватска ги прегази „гаучосите“

Висока победа од 3-0 оствари Хрватска против Аргентина за пласман во следната фаза на Мундијалот во Русија.

Во 53. минута, Хрватска стигна до неверојатно водство преку Анте Ребиќ, но вистински виновник беше Вили Кабалјеро, кој ужасно ја исфрли топката, директно на волејот на напаѓачот на Ајнтрахт, кој не греши и носи водство за Хрватска.

Во 81. минута, сите надежи на Аргентина за пресврт паднаа во вода, откако Лука Модриќ неочекувано беше оставен да се смири и да шутира од дваесетина метри и да го совлада Кабалјеро.

Во 85. минута, Хрватска можеше да стигне до 3:0 водство, откако слободниот удар на Ракитиќ заврши на местото каде што спојуваат дирекот и пречката! Ракитиќ во финишот на мечот става точка на натпреварот со уште еден гол за крај на мизеријата на Аргентина.