Со одлука на Владата 150 милиони денари за ЈП „Македонија пат“
Јавното претпријатие „Македонија пат“ ќе добие 150 милиони денари со планираните измени и дополнувања на Програмата за одржување и заштита на државните патишта за 2017 година и Годишната програма на Јавното претпријатие за државни патишта.
Тоа е одлучено на вчерашната седница на Владата, која разгледа Информација за решавање на проблемите во Јавното претпријатие за државни патишта и во Јавното претпријатие „Македонија пат“.
- Донесена е одлука претпријатијата да достават измени и дополнувања на Програмата за одржување и заштита на државните патишта за 2017 година и Годишната програма на ЈП за државни патишта за да се обезбедат 150.000.000 денари за потребите на ЈП „Македонија пат“, откако претходно ќе се обезбедат позитивни мислења од министерствата за транспорт и врски, и за финансии, и од Државната комисија за спречување на корупцијата, соопшти владината служба за информирање.
Владиниот кабинет разгледал и информација за формирање работни групи за подготовка на нацрт-текст на нов закон за енергетика. Министерството за економија во координација со Кабинетот на заменик претседателот на Владата задолжен за економски прашања треба да формираат работна група која ќе ги координира активностите поврзани со подготовката на нацрт текст на нов закон за енергетика со претставници од кабинетите нa премиерот, вицепремиерот за економски прашања, Министерството за економија и Регулаторната комисија за енергетика.
Одредбите кои ќе се подготвуваат се однесуваат на пазарот на електрична енергија, пазарот на природен гас, топлинска енергија, нафта и нафтени деривати и обновливите извори на енергија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово