Свет
3. јуни 2016 - 13:17

Швајцарско село одлучи да плати 260.000 евра казна наместо да прими 10 бегалци

Едно од најбогатите села во Европа, одлучи да плати казна повеќе од 260.000 евра наместо да прими 10 бегалци, со што би ја исполнило квотата кога се работи за вдомување на луѓето кои побегнале од подрачја зафатени од војна.
 
Мештаните на швајцарското село Обервил-Лиели, на референдум изгласаа „не“ за одлуката дали ќе примаат бегалци. Причина за таквата нивна одлука е дека веруваат оти бегалците нема да се вклопат во нивната средина.
 
Швајцарската влада неодамна усвои закон кој налага да примат 50.000 бегалци од странски земји кои побегнале од своите домови поради војна.
 
На овој начин швајцарското село всушност го крши законот бидејќи одбиваат да го одработат својот дел од работата и да примат десет лица, па затоа ќе платат казна од повеќе од 260.000 евра.
 
Селото има 2.200 жители и во него живеат повеќе од 300 милионери, а по овој чин, привлекоа внимание од јавноста. Некои ги обвинија и за расизам.
 
Еден од мештаните кој сакал да остане анонимен за MailOnline  вели: „Едноставно, не ги сакаме овде. Работевме напорно и имаме прекрасно село кое не сакаме никој да го расипе“.