Шулц вели дека со Меркел договориле формирање на европско Министерство за финансии
Мартин Шулц, лидерот на германската Социјалдемократска партија (СПД) денеска изјави дека очекува Европската унија да воспостави функција министер за финансии. Шулц ја даде изјавата откако беше најавено дека е постигнат начелен договор со конзервативната коалиција предводена од Ангела Меркел за формирање на нова широка коалициска влада во Германија на трите најголеми леви и десни партии. Прашањето на тоа како новата германска влада ќе се постави кон Европската унија беше едно од клучните прашања во преговорите меѓу Меркел и Шулц.
- Ќе има европски министер за финансии, изјави Шулц, чија партија се залага за подлабоко врзување на членките на ЕУ, со заеднички институции и со механизми за финансиска помош меѓу одделните членки. Шулц притискаше Меркел да го прифати предлогот на францускиот претседател Емануел Макрон за зацврстување на ЕУ, кој предвидува формирање на заедничко европско Министерство за финансии, и покрај скептицизмот во редовите на партијата на Меркел, каде влијателни политичари предупредуваа дека ваквото поврзување со другите членки на ЕУ ќе значи дека Германија во иднина може да биде одговорна за долговите на целата унија.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО