Штип подготвен за манифестацијата „Пастрамајлијада“
Почна поставувањето на бината и штандовите за угостителските објекти, кои ќе бидат дел од 12. издание на манифестацијата „Пастрамајлијада“.
Советникот за јавни дејности во Општина Штип, Кирил Панајотов денеска изјави дека од утре градот ќе понуди вистинска програма и забава за сите посетители.
- Програмата утре во 20 часот ќе ја отвори Кристина Арнаудова со нејзина едночасовна програма, а во 21 часот е свеченото отворање на „Пастрамајлијадата“ и со сечењето на џиновската пастрамајлија. Тоа е традиција, којашто секоја година ја правиме со тоа што џиновската пастрамајлија единствено може да ја направи фирмата „Макпромет“, а ја прави и оваа година. Ќе се обрати и градоначалникот на општина Штип, Благој Бочварски, истакна Панајотов.
Утревечер ги настапат и Трио Влатко Стефановски, Дани и белградската група „Ванг Гог“. Во сабота на сцената ќе настапат познати македонски ѕвезди кои потекнуваат од Штип, а како главна ѕвезда на вечерта е Северина.
Манифестација завршува во недела, а градот, како што изјави Панајотов, е подготвен да прими голем број гости од земјава и странство.
Организирани се јавните претпријатија и полициската станица во Штип кои ќе бидат надлежни за сообраќајот во градот и местата за паркирање на возилата. Се упатува апел до граѓаните на Штип да не ги користат возилата за да не се создава метеж на улиците. Цената на штипската пастрамајлија на штандовите ќе изнесува 120 денари.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок