Свет
15. March 2016 - 18:33

Штајнмаер бара бегалците да се откажат од омразата кон Евреите

Шефот на германската дипломатија Франк-Валтер Штајнмајер побара сите бегалци кои нашле прибежиште во Германија да го отфрлат антисемитизмот, јави допсиникот на МИА од Берлин.

Говорејќи на конференција во Берлин, Штајнмаер им порача на над 1,1-те милиони бегалци кои во последниве 12 месеци пристигнаа во Германија, да прифатат „дека антисемитизмот е против германскиот Устав, против европската цивилизација - против се во што веруваме и што научивме“.

Паралелно со приемот на бегалците, Германија се соочува со згоемено ниво на национализам кај групи кои ја отфрлаат историската одговорност од времето на нацистичка Германија.

На растечкиот национализам по успехот на антиимигрантската партија Алтернатива за германија (АФД) на покраинските избори во неделата, реагираше и Централниот совет на германските Евреи кој предупреди на опасноста од радикализирање на состојбите во земјата.