Шпионска афера го тресе Милан
Претходното раководство на Милан според весникот „Ла република“ ангажирало приватни детективи кои ги следеле спортските новинари и во исто време ги проверувале компјутерите и телефоните на вработените во клубот.
Според весникот последните месеци на водството на Кинезот Јонгхонг Ли биле одбележани со параноја за „истекување“ на информации, а ова доаѓа во јавноста само бидејќи поранешниот директор на клубот, Марко Фасоне го тужи Милан за нелегално отпуштање.
Според весникот, Милан ја ангажирал детективската агенција „Карпинвест СРЛ“ да ги следи Енрико Куро и Лука Пањи од „Ла република“, Карло Феста од „Ил соле 24 оре“ и Тобија де Стефано од „Либеро“. Ова не било евтино, и новите сопственици „Елиот менаџмент“ биле изненадени од сметката од 80.000 евра за услугите на „Карпинвест СРЛ“. Следењето на новинарите се одвивало од 19 февруари до 2 март, а биле вклучени четири детективи и два автомобили.
Ова не била единствената мерка – клубот барал пристап до лаптоповите, таблетите и телефоните на директорите на „росонерите“, а потоа побарале и детални извештаи од „Телеком Италија“ за четири вработени: Агата Фриџерио, Џузепе Манџарано, Џована Циан и Анџела Цука, а покрај тоа била ангажирана и компанија да ги претресе канцелариите на клубот за можни уреди за прислушкување.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка