Северна Кореја најавува засилување на воените способности
Северна Кореја ги критикуваше САД, Јужна Кореја и Јапонија за притисок врз Пјонгјанг и засилувањето на нивната трилатерална воена соработка против земјата, предупредувајќи дека тоа укажува на зајакнување на севернокорејските воени способности.
Северна Кореја долго време наведува дека непријателството на САД и нивните сојузници е причина за работата врз нуклеарната програма, пренесуваат американските медиуми.
Соседите на Северна Кореја предупредуваат дека Пјонгјанг е подготвен да ја изврши првата нуклеарна проба во последните пет години, како дел од провокативните активности и воените тестови.
„Ситуацијата бара итно зајакнување на одбранбените капацитети на земјата за активно справување со забрзаното влошување на безбедносната состојба на Корејскиот полуостров и на остатокот од светот“, се наведува во соопштението на севернокорејското Министерство за надворешни работи.
Севернокорејскиот лидер Ким Џонг-ун неодамна, по состанокот со највисоките воени претставници, нареди зајакнување на одбранбените капацитети на земјата.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица