Македонија
27. October 2015 - 9:23

Седници на комисиите за економија, транспорт и за одбрана

Во Собранието на Република Македонија денеска седници ќе одржат комисиите за економски прашања, за транспорт, врски и екологија и за одбрана и безбедност.

На дневен ред на Комисијата за економски прашања се предлог законите за дополнување на законите за концесии и јавно приватно партнерство, и за енергетика, во прво читање, а на Комисијата за транспорт Предлогот за изменување и дополнување на Годишниот финансиски план на Агенцијата за цивилно воздухопловство за 2015 година.

Членовите на Комисијата за одбрана и безбедност, пак, треба да расправаат за Предлог законот за изменување на Законот за служба во Армијата на Република Македонја, во прво читање, поднесен од пратници од опозиција, како и за Предлог - законот за дополнување на Законот за одбрана - во прво читање.