Седница на собраниската Законодавно-правна комисија

Собраниската Законодавно-правна комисија денеска со почеток во 12 часот треба да ја одржи својата 64 седница.

На дневен ред на седницата се предлозите на законите за изменување на Законот за данокот на добивка, на Законот за административните такси и на Законот за стоковните резерви, сите во второ читање.

Членовите на Комисијата, исто така во второ читање, треба да ги разгледаат и предлог-законите за изменување и дополнување на законите за комуналните такси, за буџетите, за финансирање на единиците на локалната самоуправа и за даноците на имот.