Се запали автобус полн со ученици во штипско, еве ги деталите
Изгоре автобус на регионалниот пат Штип-Неготино, на клучката кон штипското село Пиперово, кој превезувал ученици на екскурзија. Повредени патници нема.
Портпаролот на СВР-Штип, Гордана Панајотова информира дека настанот е пријавен во 10.10 часот од страна на Територијалната Противпожарна единица-Штип, којашто веднаш излегла на местото на настанот.
Според информациите од директорот на ООУ „Гоце Делчев“, Трајче Димов утринава околу 40 ученици од трето одделение заминале на настава во природа во штипското село Пиперово. Наставниците и возачот на автобусот забележале дека автобусот чади, со што веднаш учениците излегле од автобусот и заминале кон селото, а возачот веднаш ја повикал противпожарната единица.
Димов вели дека децата не присуствувале на моментот кога автобусот се запалил и изгорел.
Портпаролот на СВР-Штип, Панајотова рече дека во тек е истрагата, а основен јавен обвинител врши увид на местото на настанот, по што ќе имаат подетални информации за причината за пожарот.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ