Се реновираат основните училишта во општина Илинден
Во рамките на реализацијата на проектот за реконструкција на основните училишта, општина Илинден интензивно работи на обезбедување квалитетни услови за следење на образовниот процес.
За таа цел во основно училиште „Браќа Миладиновци” изградени се две нови училници и помошни простории, со вкупна површина од 200 метри квадратни, информираат од Општината.
Паралелно со тоа интензивно се работи на целосна промена на покривната конструкција на ова училиште со површина од 1.400 метри квадратни.
Во подрачното училиште во Текија во тек е доградба на уште една училница, наставничка канцеларија, помошни простории и тоалети на површина од 100 метри квадратни.
Во подрачното основно училиште „Ристо Крле“ во Мралино поставен е нов покрив, рехабилитирана е фасадата на училишната зграда, поставена е настрешница и е уреден влезот пред училишната зграда со гранитни ќерамички плочки.
Во Средното општинско стручно училиште „Илинден“ обезбедена е нова модерна и современа техничка опрема за вршење на практична настава, како и нови гардеробери за сите ученици.
- Вкупната инвестиција за реализацијата на овие проекти изнесува 12 милиони денари. Годинава, во доградба, реконструкција и модернизирање на училиштата ќе бидат инвестирани 30 милиони денари, истакна градоначалникот Жика Стојановски на прес-конференција.
Потенцира дека капиталните инвестиции во областа на образованието, се трајна определба во насока на подобрување на условите за живеење, квалитетот на животот и животниот стандард на жителите во сите 12 населени места во општина Илинден.
- Општина Илинден продолжува со континуираните вложувања во образованието, со цел на учениците да им се обезбедат квалитетни услови за покажување на нивните способности и постигнување на високи резултати во образовниот процес, додаде градоначалникот Стојановски.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка