Се чекаат одлуките за барањата за изземање на судечкиот совет и в.д. претседателката на Апелација
Во Апелација се уште не се соопштува одлуката по барањето за изземање на судечкиот совет кој треба да одлучи по жалбата на поранешниот премиер Никола Груевски за пресудата во случајот „Тенк“ за набавката на луксузниот мерцедес.
Иако беше најавено дека во 13 часот ќе продолжи јавната седница на која ќе биде соопштена одлуката по барањето за изземање на судечкиот совет, предмалку портпаролот на Апелацискиот суд Сафет Кадриу информира дека ја чекаат одлуката од Врховниот суд за барањето за изземање и на в.д. претседателката на Апелација Лидија Димчевска.
Адвокатите на обвинетите денеска поднесоа барање за изземање на Судечкиот совет и на в.д. претседателката на Апелација Лидија Димчевска.
На почетокот на денешната јавна седница тие побараа и одложување на седницата со образложение дека мора да одат на други судења кои се приоритетни бидејќи станува збор за притворски предмети. Судечкиот совет во Апелација не го прифати ваквото барање на адвокатите.
За случајот „Тенк“, поранешниот премиер Никола Груевски како поттикнувач за извршување на делото е осуден на две години затвор, а поранешниот помошник министер во МВР Ѓоко Поповски на шест години и шест месеци затвор.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање