СДСМ: Мицкоски не успеа да ги одбрани криминалите на ВМРО-ДПМНЕ

Губитникот Христијан Мицкоски уште еднаш докажа дека е на страната на криминалот и веднаш се стави во одбрана на тајкунот на режимот Орце Камчев, кој заедно со Мијалков и Груевски е осомничен дека со пари од партиската каса на ВМРО-ДПМНЕ купувале ексклузивни плацови на Водно.

Наместо Мицкоски да бара одговорност и расчистување случајот за наводна злоупотреба на пари на ВМРО-ДПМНЕ, тој му дава поддршка на Камчев.

Со ова се потврдува спрегата Мицкоски-Камчев за која јавноста слушна одамна преку објавени разговори меѓу првиот човек на ВМРО-ДПМНЕ и Зоран Милески Кичеец.

Во тие разговори Мицкоски признава дека тој правел се за да не се донесе Законот за јавно обвинителство, правел се за да пропаднат предметите на СЈО, вклучително и предметот „Империја“ каде е обвинет и Камчев, но и признава дека Камчев финансиски ја помагал ВМРО-ДПМНЕ па можеби токму оттука се хипотеките на Мицкоски кон Камчев кои денес мора да ги отплаќа.

Мицкоски е фрустриран што не успеа да ги одбрани криминалите на неговите ментори Груевски и Мијалков, што не може да го заштити тајкунот Камчев.

За разлика од времето на режимот денес законите важат подеднакво за сите, на дело гледаме неселективно владеење на правото.

А Мицкоски останува осамен на браникот на криминалот, во очекување на нови порази и од правдата и од граѓаните.

Центар за комуникации со јавноста на СДСМ